Day 5 - 真係快高長大 Grow up so fast

今朝訓醒望下d花，WA ... 又會大得咁快既
開始擔心個盆唔夠位添 ... ^_^"

Day 4 - Wa ~ 有小草苗啦

今日終於放完easter 既假啦，要番工
出門時照舊出露台澆水，就發覺我盆花終於都有野生出黎啦
我估應該係小草苗黎既，希望ｄ花都會跟住生埋出黎啦 !!!

Day 1 - 落種啦 Planting

今朝訓到九點幾，起身執下野，因為今日下午有朋友會到我屋企玩，所以都要執得整齊d
到十點幾先有時間去搞我d花

根據花店小姐既講解，我step by step 咁去整理我既花盆同埋花泥，再從種子袋取出種子
wa ~ 原來裹面有好多款種子，都唔知邊款打邊款
anyway，都係全部放晒落去啦
我好平均咁係個花盆既泥土上放上種子，然後再放上薄薄的一層泥土，再澆水
大公告成 ~ yeah !!

餘下既日子就只有定期澆水，同埋等佢快高長大啦

P.S. 花店小姐又話我個花盆要用四包泥，搞到我真係買左四包
原來兩包泥都已經ok，剩番個兩包唯有留番下次先用啦 !!

Day 0 - Shopping for my flower

今日同亞花出左旺角睇傢具，順便過左花墟買花返屋企放
亞花既目的係想買一些小花盆放入洗手間點綴下
我地入左一間有售賣鮮花同埋裁種用具既鋪頭
亞花去左行鮮花個面，我就走左去用具個面行
行下行下就行到去一個放滿種子packing 既counter
見到個種子packing 上面d 花既相好靚，心想 ... 真係種到咁靚既花 ... ?!?!
於是就心思思想種下花，再同亞花傾下，佢都話可以try 下既
就係咁，一口氣買左花盆、花泥同埋泥爬 ~ hahaha

返到屋企見都天黑，都係等到明早先搞佢 !!!

容易受傷的主人 I get hurt

好痛 ... 今日返左亞媽到食飯，順便同Charlie 做埋清潔
同佢隻衰野清潔親我都一定會受傷 ... 睇下係小傷定大傷

今次既清潔包括剪手甲、剪腳板底毛、清死結、洗耳仔同埋梳毛
因為Charlie成日都坐唔定，所以我通常都會放佢上我大比
然後反轉佢肚dump向天，至幫佢剪甲
剪完後腳到剪前腳時，條友仔無啦啦後腳一伸 ... 我成個下爬中晒，即場見紅
我唯有放低佢，然後止血先
止完血後我即刻捉佢番黎打，算佢知警，因為之後佢都冇乜周身move la
不過我就比佢整花左塊面啦 ... 激死 !!

太陽花 Sun Flower !!

一路都冇留意，原來公司門口出面英姐種左好多植物
今日最吸引我既就係o個兩盆太陽花
因為佢真係開得好靚，佢未開花之前我係完全唔會留意有佢地既存在
我問英姐要種幾耐先有咁高同埋開花啊？
佢話冇五六個月都唔得 ...

所以近排心思思想係屋企種下，後尾再問英姐原來唔係邊處都種到太陽花
要有好充足陽光既地方 ... 咁我屋企實唔得啦！
好彩冇買到種植既工具姐 ~ hehehe
不過係公司見到佢地開得咁靚，自己都好開心 ~ !!

食番壽司啦 Back to sushi !!

自從上次腸胃痰之後，都好耐未食個壽司啦
今日亞花提議食壽司，都好啦

我同亞花都覺得元氣比元祿好好多
當然係香港食壽司最好味既仍然係"峰"啦 !!